السكن الجامعي للطلبة القدامى

:  بالنسبة للسكن الجامعي للطلبة القدامى فما 3 انواع

  • تجديد سكن

  • اسعاف بالسكن

  • السكن الإستثنائي

تجديد سكن

تجديد السكن هو خاص بالبنات فقط …لانو البنات عندهم الحق في عامين في المبيت و سواء راو خذيت قبل أو لا ….العام ألي تقراه في الفاك يتحسب كاينك خذيت حتى لو متحصلتش على مبيت ….يعني تجديد مبيت في 2021 يهم بنات باك 2020 فقط ….أما ولاد باك 2019 أو بنات باك 2018 و انتي راجع يعملو اسعاف بالسكن .

——————————

التجديد يكون على موقع الديوان …تعمر الاستمارة و تنتظر النتيجة و ساعات تنجم تعمر الاستمار و بعد يطلب عليك وراق تلحقهم للمبيت

——————————

اذا انتي عامل اعادة توجيه مارس تنجم تغير الشعبة في الموقع أو تنتظر حتى يصير تحديت باش تلقاها و تعمر و نفس الشيء كان عملت نقلة أو اعادة توجيه بالملفات و أي مشكل تتصل بديوان الخدمات

اسعاف بالسكن

اسعاف بالسكن هو خاص باولاد ألي خذاو الباك عمناول و انتي راجع أو البنات ألي خذاو الباك ولت عمناول ونتي راجع ….يعني اسعاف في 2018 يخص أولاد باك 2017 و 2016 و 2015 ألخ .. أو بنات 2016 أو 2015 ألخ .. و الأسعاف لا يعني انو الطالب باش ياخو …. حسب الأماكن و غيرو ….لكن فما نسبة 60% ياخو …. و ينجم الطالب ألي عندو ضروف أجتماعية يمشي لديوان و يهز ملف اجتماعي أو صحي ….

——————————-

الأسعاف يكون على موقع الديوان …تعمر الاستمارة و تنتظر النتيجة و ساعات تنجم تعمر الاستمار و بعد يطلب عليك وراق تلحقهم للمبيت و في بعض الأحيان أيضا ميتحلش الأسعاف وقتها تعمل مطلب كتابي تحط فيه الأوراق هاذم و تبعتهم للديوان أما تستنى ساعة حتى نصف أوت بالك يتحلك الرابط

* وثيقة الترسيم عن بعد

* مطلب باسم مدير ديوان الخدمات ( تنساش نومروك )

* نسخة بطاقة تعريف

* زوز جوابات مسوقرين

* شهادة إقامة للأب أو الولي القانوني

* أي وثيقة أجتماعية أو صحية تقوي الملف متاعك

——————————

اذا انتي عامل اعادة توجيه مارس تنجم تغير الشعبة في الموقع أو تنتظر حتى يصير تحديت باش تلقاها و تعمر و نفس الشيء كان عملت نقلة أو اعادة توجيه بالملفات و أي مشكل تتصل بديوان الخدمات

السكن الاستثنائي

في بعض أحيان يضرط الطالب انو يكمل يقر أيمات في العطل أو في أول الصيف …دونك ينجم يعمل مطلب لمدير المبيت أو الديوان و يطلب أيمات اضافية كيف يبدا عندو سبب …و يجيب ورقة من الفاك انو عندو تربص أو أيمات أخر متع دراسة . لانو في العادة المبيت في العطل ( ديسمبر و مارس ) يكون مسكر و ابتداء من أو جويلية يسكر  زادة

Supportscreen tag